Roger Dean ilustratzaile handiaren miresleak (neu barne) txundituta eta harrituta daude, baita moskeatuta ere,  James Cameron-en azken pelikulan, “AVATAR”-en hain zuzen ere, kreditoen artean ez baita bere izena agertzen.

Kontutan hartzen bada Roger Dean-ek bere marrazki eta irudietan sortutako munduak (mendi flotagarriak, arkuak, zuhaitzak, bide esekiak, dragoiak…) Pandora planetan dauden, “AVATAR”-en eszenatoki bihurturik, ezin da ulertu holako “ahaztu izana”

“AVATAR” pelikula dagokionez, bere gidoiaren planteamendua ez da oso berria zinean askotan gai antzekoak landu direlako (“Bailando con lobos” eta “Pocahontas”-en esaterako): protagonista planetako giza-basatien alde jartzen da eta, bertako beste bat bihurturik, menperatu nahi dutenen aurka borroka egingo du.

Benetan harrigarria dena eszenografia da, Pandora planeta, eta batez ere erabilitako teknologi berriak hiru dimentsiotan, 3D-n, filmatzeko. Horretarako James Cameron urte asko zain egon da unea iritsi arte, berak aitortu duen bezala.

Labur esanda, eta nire emaztearen hitzetan, “ze pelikula ederra!, liluratu egin nau!”. Ikusgarria benetan, di-da pasatzen zaizu, konturatu nahi duzunerako amaitu egin da nahiz eta bi ordu t’erdi pasatxo iraun.

Sarrerak garestiagoak izan arren, “AVATAR” 3D-ko zinema aretoan ikusi egin behar da Roger Dean-ek sortutako munduaz gozatzeko James Cameron-en eskutik.

(*) Post honetako Roger Dean-en irudiak eta “AVATAR”-eko Pandora bideoa konparatu daitezke euren arteko antza dagoen ala ez ikusteko.

Comments

 Kanpai-danbadekin batera mahats aleak jandak geneuzkan, beraz minutu bat besterik ez zen pasa eta urte berria ospatzeko kaba botilatxoa prest genuela, orduan … Sorpresa!!!

“Eta alanbretxoa?, nola demontre irekitzen da hau?, baina…HARIZTATUA!” Kaba botila bateko tapoia hariztatua!!! Harrigarria!

Tapoiaren itxura kortxoarena izan ere, non geratzen da “plop”hori,  botila irekitzerakoan sorteen den soinu alai, bat-batekoa, jai giroko hori?

Kabak ona izaten jarraituko du, baina oraingo “fisss” horrek, topa egitera baino, dadirudi ardoa edatera besterik ez gaituela bultzatuko.

Kaba botilak irekitzeko tapoia hariztatua askoz errazago izango da, baina

kortxoa izatekotan…!

¡PLOP!, ¡Topa!

Argazkian ezustekoaren sortzailea.

Comments

Gabonzaharra, abenduak 31, gaur “Ilargi Urdina” daukagu.

Gaua oskarbia bada, oso gutxitan ikusten den fenomenoaz gozatzeko aukera izango dugu: ilargi betea ikustea, baina berezia, “Ilargi Urdina”.

Horrela deitzen baitzaio hilabete berean ateratzen den bigarren ilargi beteari. Ilargi bete batetik bestera 29,5 eguneko epea denez, oso-oso arraroa ez izan arren, ez da gertakizun ohizkoa. Hori dela eta, “Ilargi Urdina” izateko bi urte t’erdi pasa behar da gutxi gora behera, beraz ulergarria da ingelerazko esaera zaharra “One in the Blue Moon” (Ilargi Urdinaren behin, “de pascuas a Ramos” erderaz)

Ezin badugu gaur ikusi (eta gaurko eguraldiarekin larri ibiliko gara) jakin hurrengo “Ilargi Urdina” 2012ko abuztuan izango dela, eta hurrengoa 2015eko uztailan.

(Diario Vasco-n argitaratutako Félix Ares-en “Blue Moon/Luna Azul” artikulutik lortutako informazioa)

Comments

Eskultura, Argazkia eta Testua: Jokin Izar

Comments

Comments

Aurten ere Gabonetako Loteriako partaidetzak banatzen jarraitzen dut. Beraz, behean ikusten den dezimoan “el Gordo”-a tokatzen bada, blogaren sarrera honetan iruzkin bat uzten dutenentzat “saritxoa” badago.

Animo!, epea abenduaren 21a arte irekita egondo da!

Comments

70 hamarkadeko GENESIS-en ikuskizun musikaletan espezializatuta, “The Musical Box” musika talde kanadiarra Donostiko Kursaalean hirugarren aldiz egon da.

Oraingo honetan, GENESIS Peter Gabriel-ik gabe geratu zeneko Phil Collins-ek eginiko lehenengo birako kontzertua, “A Trick Of The Tail” hain zuzen, jo dute.

Emaitza, beste aurreko bi aldietan bezala, oso ona iza da. Musikarien trebetasuna abestiak notaz nota jotzen izugarria da; horrez gain, jatorrizko eszenatokia, diapositibak, proiekzioak, musika tresnak, argiak eta laserrak, jantziak... dena kontutan hartzen badugu “A Trick Of The Tail”  denborako bidaia izan da ile urdinak orrazten baita GENESIS-en musika gustokoa ditugunentzat ere.

“The Musical Box”-en laugarren baten zain geratzen gara. Han egongo gara eta!

Kontzertuaren bideo laburpena.

Comments

    Ikuskizun harrigarria izango dela inork ez du zalantzan jartzen, baina hamar hilabete falta dira Donostian U2-ren “360º Tour”-eko kontzertua izateko (2010ko irailaren 26an,  hain zuzen ere)  eta,  jadanik,  bi ordutan, sarreren % 80a  salduta dago, 35.000 sarrera inguru.

    Nik pare bat lortu dut. Ea ez da ezer gertartzen eta denak, musikariak barne, kontzerturaino iristen garen.

Kontzertuarenak horrela jarraituz gero, batek daki non bukatuko garen: urte batzuk aldez aurretik sarrerak erosten edo…auskalo! Ikusiko dugu!

Comments

Gizakiek egun bereziak goxokiekin ospatzen ditugu. Goxoki mota desberdin bat dugu une bakoitzarentzat, eta gauza asko ospatzen ditugunez goxoki pila daude.

Duela gutxi “santuen hezurtxoak” pasatuta, toki guztietan gabonak ospatzeko turroiak eta mazapanak edozein tokitan ikus ditzakegu.

Baina aurten, zerbait berriak arreta deitu dit, “Olentzeroren txapela” hain zuzen ere. Tolosako Gorrotxategi gozogile maisuaren web orrian dion arabera “Olentzeroren txapelaren kopia da, esne-txokolatez eskuz eginda, belusatuaren itxuraz eta karamelu karraskatsuaz betea” da goxoki berri hau. Diseinu galanta!

Olentzeroren kapoiak, arrautzak eta ardoa gabon gaua hasteko, baina bukatzeko... bere txokolatezko txapela!

Comments

Joan zen ikasturtean IKAS KOMUNITATEetara eramango gaituen prozesua lantzen hasi ginen: eskolako inguruko gizarte agente guztiek( familia, senide, irakasle, auzolagun, ikasle ohi, jubilatu, borondezko...) gure ikasleen hezkuntzan parte hartzen dute euren arrakasta helburua izango delarik.

Informazioa jaso eta formakuntzan lehen urratsak eman ondoren, aurten praktikarekin hasi gara, eta azkenengo bi asteetan zehar Ametsa fasea egin dugu: denok, haur hezkuntzatik herriko goiko punturaino, gure ametsak bidaltzeko aukera izan dugu.

Bitartean, IKT Dinamizatzailea izanez, blog bat sortu dut; bertan egin diren jarduerak eta jasotako amets batzuk ikus daitezke besteak beste.

Ametsarena zerbait irekia dela eta, eskolan interesaturik daudenentzako behean esteka bat utzi dut, ea norbait animatzen den eta bere ametsaren bat bidaltzen digun!

Comments

Duela lau urte geroztik  RAMMSTEIN-en disko berririk gabe geunden zaleak, baina dagoeneko salgai dago; eta ez hori bakarrik, diskaren aurkezpena egiteko zuzeneko kontzertu-bira antolatu dute.

Atzo, Barakaldon, BEC-en, kontzertua eman zuten eta han nengoen ni, bai horixe!  Ezin nuen galdu!

Kriston kontzertua! “Combichrist” teloneroak ere ondo egon ziren. Jendetza, dena salduta, aretoa goraino, giro ederra… eta RAMMSTEIN-en musika gozatzeko! Ederki!

Pena, holako ikuskizunak noizean behin ikusterik dugun! Eta orain, berriro itxoitera, hori ez bazait kableren bat gururatzen eta low-cost delako hegalaldia hartuz kontzertu birako hiriren batera joaten ez banaiz. Sarrerak baldin badaude, zeren aldez aurretik bizpahiru hilabetez erosi egin behar dira, bestela…!

Oraingoz, atzoko kontzertuaren oroitzapen onarekin konformatu beharko gara, baita “Liebe Ist Für Alle Da” (“Amodioa denontzat da”) diskaren abestiekin ere.

Eskerrik asko Flickr-era argazkiak igo dituzten guztiei, post honetan dagoen muntaia posible egiteagatik.

Comments

Noiz behinka nire zaletasunekin esperimenturen bat egiten dut, argazkiak, testuak edota olerkiak nahastea esate baterako. Hona hemen emaitza pare bat:

.......     .......    .......

Comments

Horrek nire denbora libre guztia (libre!, je, je!) eraman dit eta ezin izan dut ezer prestatu blogerako, beraz post honetan esteka pare bat besterik ez dut jarriko: Jardueretan egin den guztia jasotzen duen web orriarena eta hemendik pasatutako ikasleekin egin ditugun jardueren blogarena.

Comments

Aste honetan, gogokoan dudan artista baten obrak zuzenean ikusteko aukera izan dut: H.R.Giger.
Donostiako Kursaaleko Kubo erakusketa aretoan Giger-en lanen 60. hamarkadatik gaur egun arteko atzera begirakoa dago.
Paradixokoa dirudi arren, artista grafiko hau musikaren bitartez ezagutu nuen, Emerson, Lake & Palmer, rock sinfonikoko talde baten diskarako azala egin baitzuen; handik aurrera bere lanari jarraitu egin diot.

Orokorrean, jendeak zinerako egin zuen lana baten batengatik ezagutzen du, “Alien, zortzigarren bidaiaria” Ridley Scott-en pelikulako kreatura-munstroarengatik hain zuzen ere.

H.R. Giger gainera biomekanika-ren sortzailea da: bizi-ehunak, hezurrrak eta metalak sinbiosean fusionatzen ditu eta, aerografoa erabiliz (maisua da bere erabileran), liluragarriak diren izaki eta mundu fantastikoak sortzen ditu.

Erakusketa Erregeen egunerarte egongo denez, ziur beste behin edo gehiago pasatuko naizela handikan; luxua da Giger-en obrak ikustea, argazki eta liburuetan galtzen diren tono, kolore eta xehetasuak bertan ikusiz.

Comments

Aita, Miguel eskutik eta Gabriela besoetan, tabernako makina txanpojalera hurbiltzen da, txanpon bat sartu eta jokatzen hasten da.

“Emaiok, Miguel!”, eta haurrak tekla sakatzen du. Zorte txarra, ez dago saririk.

Aita besoetan daraman neskatxoa makinara heltzeko makurtu egiten da. “Emaion, Gabriela!”, eta neskatilak hurrengo jokaldirako tekla sakatzen du.

“Emaiok, Miguel!”, eta mutilak berriro sakatzen du. Saririk gabe jarraitzen dute. Berriro makurtuz, “Emaion, Gabriela!”. Txanponjaleak tinko jarraitzen du. “Emaiok, Miguel!”, hurrengo jokaldia. “Itxoin, Miguel!”, makinaren argiak keinuka hasten dira bonusak, abanzeak edo auskalo zertan. “Emaiok, Miguel!”. Txanpon bat erori egin da sari-kutxatxora. Hurrengoa, “Emaion, Gabriela!”, “Emaiok, Miguel!”, “Emaiok, Miguel!, “Emaion, Gabriela!”...

Eta horrela behin eta berriz txanponaren kreditoa agortu arte. Beste txanpon berri bat bota eta jokatzera zikloa errepikatuz. Bost minutu pasa dira, eta bitartean dozena bat baino gehiago aldiz haurrak makinan apostatzen, jokatzen, tekla sakatzen egon dira. Familiaren irudi polita!

Gero kexatuko gara: gazteak eta alkohola, tabakoa, indarkeriak, ludopatiak... Haurrek ikusten dutena ikasten dute, baina hobeto ikasten dute irakasten bazaie.

“Emaiok, Miguel!, “Emaion, Gabriela!”

.

Comments

Nire kasuan, usainik oroitarazleetarikoenen bat galipotarena da. Nire herrira, Errenderira, 60garren hamarkadaren hasierara eramaten nau. Garai hartan errepideetako asfaltatze lanak guretzako, ume mukizuentzako, izugarriak eta harrigarriak ziren. Usainak, soinuak, irudiak... dena berria zen eta gainera zerbait berezia esperimentatzeko (ai!, zenbat zapatila eta arropa beltzez zikinduta; zenbat amaren errietak!)

Gainera gure haur-hiztegian eragina zuten: “jenerala” hitza N-1 Madrid-Irún errepidea adierazteko, edota  gure inguruneko hizkuntza desberdinen nahasketa bat egina (erdera-euskera-frantsesa) “galipot”  edo “zanpakaminoak”  hitzek erabilera anitza zeukaten gure artean.

Gaur egun ere, noizbait, turista despistatu batek ondartzaz edo Arguiñanoz galdetzen didanean, “jenerala” hitza ateratzen zait Zarautzetik pasa den N-634 errepide nagusia adierazteko.

A, eta Zarautzen egun, lorategi batean, apainketa moduan, “zanpakaminos” bat dadugu. Beitu argazkia!

.

.

Comments

Internet 2.0 kontzeptupean dagoen filosofiaz Sarean parte hartzen dugun asko gara, hots, Internetek eskeintzen dituen baliabide guztiak erabiltzea inguru partehartzaile eta kolaboratzaile baterantz zuzenduta.

Sareko onurak eta abantailak soilik erabiltzen dutenen gain, badago beste erabiltzaile talde bat: “edukin sortzaileak” deritzonak; hauek euren blog, fotolog, wiki, eta abarren bitartez Sarean ekarpen berriak  sortzen dituzte. Neuk azken horien artean nire burua jotzen dut.

Batzutan, gure “lan sortzaileak” iruzkinetan, esteketan, aipamenetan... direla medio haintzat hartzen dira eta poz handiz hartzen dugu (nik behintzat!)

Adibidea: Nire fotologeko eskulturei buruzko Flickr-en neuzkan argazkiak Zarauzko web orri berri batean erabilita ikustea.

Web orria nolakoa den, edota argazkiak non dauden, edo zehaztasun gehiago ematea baino, hobe da web orrian sartzea eta nabigatzea.

Gainera datorren asteburuan hiru egun jai izanik, agian norbait animatzen da, eta zer aurki dezakeen ikusita, hona dator gu bisitatzera.

Web-eko helbidea eta kaptura estekarekin behean daude.

http://www.gurezarautz.net/kultura_eta_natura

.

Comments